Русија предупредува дека запленувањето на нејзините средства од ЕУ може да стане причина за војна

МОСКВА (АА) - Русија денес предупреди дека доколку Европската Унија (ЕУ) одлучи да ги заплени нејзините замрзнати средства, може да го смета тоа за „casus belli“, латински термин што значи „случај за војна“, пренесува Анадолу.

Во изјава за руската медиумска платформа MAX, заменик-секретарот на рускиот Совет за безбедност, Дмитриј Медведев, рече:

„Доколку растроената Европска Унија сè уште се обидува да украде руски средства блокирани во Белгија со издавање таканаречен кредит за репарации, таквите дејствија според меѓународното право би можеле да се квалификуваат како посебен вид 'casus belli', со сите последици што произлегуваат од тоа за Брисел и поединечните земји од ЕУ“.

Медведев додаде: „И тогаш враќањето на овие средства може да се случи не преку суд, туку преку фактички репарации, платени во натура од поразените непријатели на Русија“.

Медведев беше претседател на Русија од 2008 до 2012 година и е познат по своите провокативни изјави.