Русија за опремување на војската во 2020 година издвојува 24,5 милијарди долари

МОСКВА

Рускиот министер за одбрана, Сергеј Шојгу, изјави дека неговата земја за опремување на војската само во оваа година ќе издвои повеќе од 1,5 трилиони руски рубли (околу 24,5 милијарди долари), јавува Агенција Анадолија (АА).

Шојгу зборуваше на прес-конференцијата во Москва, а во таа пригода откри колкав е овогодишниот буџет на Русија за опремување на вооружените сили.

„За опремување на руските вооружени сили во 2020 година е предвиден буџет поголем од 1 трилион и 500 милијарди рубли“, изјави Шојгу.

Според неговите зборови, речиси 70 отсто од тој износ ќе бидат издвоени за купување на модерни вооружени системи.

Приближен износ за опремување на војската Русија издвои и минатата година, а тогаш се работеше за цифра од 1,44 трилиони рубли.