Русија го отповика својот амбасадор во Ерменија

МОСКВА (АА) - Руското Министерство за надворешни работи денес објави дека го отповикало својот амбасадор во Ерменија на консултации, јавува Анадолу.

„Амбасадорот на Руската Федерација во Република Ерменија, Сергеј Копиркин, на 24 мај беше отповикан во Москва на консултации“, се вели во кусото соопштение на Министерството на својата веб-страница.

Односите меѓу Русија и Ерменија се влошија откако прозападната влада предводена од Никол Пашинјан дојде на власт по протестите во 2021 година.

Значаен пресврт се случи откако Азербејџан ја врати својата меѓународно призната територија Карабах, која беше окупирана од ерменските сепаратисти од 1991 до 2023 година.

Ереван ја обвини Русија дека не ги бранела силите што ги поддржувала долги години и се сврте кон Западот за воена помош.

Во меѓувреме, ерменските власти почнаа да ја намалуваат воената и безбедносната соработка со Русија.