Макрон ќе се состане со министрите за надворешни работи на пет арапски земји, ситуацијата во Газа главна тема

КАИРО (АА) - Францускиот претседател Емануел Макрон ќе се состане во Париз со министрите за надворешни работи на Египет, Саудиска Арабија, Катар, Обединетите Арапски Емирати и Јордан, најави денес египетското Министерство за надворешни работи, пренесува Анадолу.

„Министерот за надворешни работи Самех Шукри денес отпатува во Париз на покана на францускиот претседател Емануел Макрон да учествува на министерскиот состанок на кој учествуваат министрите за надворешни работи на Катар, Јордан, Саудиска Арабија и ОАЕ“, се вели во соопштението.

Како што се посочува, посетата доаѓа „во рамките на желбата на француската страна да комуницира и да се координира со арапските министри за прекин на огнот во Појасот Газа“.

„Посетата, исто така, ќе сведочи на дискусии за меѓународните и регионалните чекори насочени кон изнаоѓање сериозен политички хоризонт за ставање крај на кризата и поддршка на имплементацијата на дводржавното решение“, се додава.