Рибарите во Чиле протестираат барајќи итно разгледување на Предлог-законот за распределба на риболовните квоти

ВАЛПАРАИСО (АА) - Рибарите во Чиле денес излегоа на протест во Валпараисо, поставувајќи запалени барикади со цел да извршат притисок за побрзо разгледување на Предлог-законот за распределба на риболовните квоти, јавува Анадолу.

Рибарите бараат итно усвојување на законот, со кој треба да се регулира распределбата на риболовните квоти помеѓу занаетчискиот и индустрискиот сектор.

Предлог-законот, кој е клучен дел од новата рибарска регулатива промовирана од извршната власт, денес повторно ќе биде разгледан од Комисијата за финансии на Сенатот.