Реакција од Русија на изјавата на Трамп за Голанската Висорамнина
- Портпаролот на руското Министерство за надворешни работи, Марија Захарова: „Обидот да се смени статусот на Голанската Висорамнина е директна повреда на резолуциите на Обединетите нации (ОН).“
МОСКВА
Портпаролот на руското Министерство за надворешни работи, Марија Захарова, критикувајќи ја изјавата на американскиот претседател Доналд Трамп во која тој изјави дека е „време е да ја признаеме доминацијата на Израел во Голанската Висорамнина“, нагласи дека „обидот да се смени статусот на Голанската Висорамнина е директна повреда на резолуциите на Обединетите нации (ОН)“.
Захарова во изјавата за руското радио „Комерсант ФМ“ истакна дека Русија има принципиелен став во однос на тоа дека Голанската Висорамнина ѝ припаѓа на Сирија.
„Овој став е потврден со резолуциите 497 и 1981 на Советот за безбедност на ОН“, рече Захарова и додаде: „Нашата проценка на незаконитоста на израелската одлука за ширење на нејзиниот суверенитет над Голанската Висорамнина не се промени. Игнорирањето на Советот за безбедност на ОН и обидот за промена на статусот на Голанската Висорамнина е директно кршење на резолуциите на ОН.“
- Израел од 1967 година ја држи Голанската Висорамнина под окупација
„По 52 години, дојде време САД во потполност да го признаат суверенитетот на Израел над Голанската Висорамнина, која е од критичко стратешко и безбедносно значење за државата Израел и за регионалната стабилност“, напиша Трамп на Твитер.
Израел од 1967 година ја држи под окупација Голанската Висорамнина која ѝ припаѓа на Сирија.