Safvan Allahverdi
04 Јули 2019•Ажурирај: 05 Јули 2019
ВАШИНГТОН (АА) - Амбасадорот на Република Турција во САД, Сердар Килич, реагираше до „Вашингтон пост“ (Washington Post) поради текстот на лидерот на терористичката организација, Џемил Баик, објавен во овој весник, јавува Anadolu Agency (AA).
Амбасадорот Килич на оваа тема на социјалната мрежа Твитер објави писмено соопштение.
Килич, истакнувајќи дека ПКК е организација која Турција, САД, НАТО и Европската Унија ја ставиле на листата на терористички организации и која во досегашните активности одзела 40.000 животи, продолжува со зборовите: „Новинарската професија го достигна дното откако весникот „Вашингтон пост“, игнорирајќи ги овие факти, ги отвори своите страници за лидерот на терористичката организација ПКК, чии раце се гладни за крв, и истовремено е баран од страна на САД.“
За отстапувањето место во весникот за Баик, лидерот на терористичката организација, амбасадорот Килич напиша дека тоа претставува „Навреда за турската нација и за десетици илјади жени, мажи и деца, кои се невини жртви на терористичката организација ПКК“, додавајќи дека иако ненасилните активности на терористичката организација ПКК се поддржани од страна на Врховниот суд на САД, треба да се земе предвид дека со тоа се прекршуваат антитерористичките закони во САД.“
