Раселените Палестинци на заеднички ифтар меѓу урнатините на кампот Џабалија

ГАЗА (АА) - Раселените Палестинци се собраа на заеднички ифтар меѓу урнатините на бегалскиот камп Џабалија во Газа, одржувајќи ги живи рамазанските традиции и покрај тековниот конфликт, јавува Анадолу.

Ифтарот, организиран преку кампања на социјалните мрежи, ги собра семејствата и соседите кои беа раселени низ разни делови на северна Газа откако започна војната во 2023 година.

Тие го прекинаа постот на долги маси поставени во тесните улички опкружени со остатоци од уништените станбени блокови.

Мухенед Ебу Хазиме, раселен жител кој изрази благодарност за иницијативата, изјави дека целта е да се оживее чувството на заедница и да се врати традицијата на заеднички оброци, обезбедувајќи краток одмор од секојдневната борба за опстанок.

Откако стапи на сила прекинот на огнот во Газа, израелските прекршувања - гранатирањата и употребата на друго огнено оружје, убија 641 Палестинец и повредија 1.711.

Договорот за прекин на огнот следуваше по двегодишниот израелски геноцид што започна на 8 октомври 2023 година, во кој се убиени повеќе од 72.000 Палестинци, повредени се речиси 172.000, и предизвикано е масовно уништување на приближно 90 % од цивилната инфраструктура во Газа. Обединетите нации (ОН) ги проценуваат трошоците за обнова на околу 70 милијарди долари.