Путин: Русија ја надминува рецесијата

МОСКВА (АА) - Претседателот на Русија, Владимир Путин, денеска соопшти дека руската економија ја надминала рецесијата, пренесува Anadolu Agency (AA).

Путин во телевизиското обраќање до нацијата рече дека кризата е готова, укажувајќи на економскиот раст на земјата во изминатите девет месеци.

Тој исто така укажа на ниската инфлација и растот на девизните резерви.

Путин призна дека руската економија сѐ уште е зависна од извозот на суровини, но истакна дека извозот на неергентските стоки е во пораст.

Русија влезе во рецесија поради комбинираниот удар на западните санкции и падот на цените на нафтата.

Санкциите кон Русија беа воведени поради нејзиното анектирање на Кримскиот Полуостров и поради нејзината поддршка на бунтовниците во источниот дел на Украина.