Путин разговараше со претседателот на Европскиот совет, Мишел, за односите Русија - ЕУ

МОСКВА

Рускиот претседател, Владимир Путин, разговараше со претседателот на Советот на Европската Унија (ЕУ), Шарл Мишел, за односите Русија - ЕУ, пренесува Агенција Анадолија (АА).

Според соопштението на Кремљ, во телефонскиот разговор Мишел истакнал дека односите Русија - ЕУ ќе се дискутираат на состанокот на Советот на ЕУ, што ќе се одржи на 25-26 март.

Од друга страна, во разговорот Путин истакнал дека поради неконструктивниот однос на партнерите не е задоволен од состојбата во односите меѓу Русија и ЕУ.

„Руската страна, ако навистина има возвратен интерес, подготвена е повторно да се воспостави нормална, неполитичка форма на интеракција со ЕУ“, се истакнува во соопштението на Кремљ.

Исто така, во телефонскиот разговор разгледани се и прашањата за можната употреба на вакцината „Спутник V“ и другите тековни и регионални прашања во борбата против Ковид-19.