Путин потпиша декрет како одговор на Русија кон санкциите

МОСКВА (АА) - Рускиот претседател Владимир Путин во вторникот потпиша декрет за воведување одмаздувачки економски мерки како одговор на дејствијата кон „непријателските земји“, пренесува Агенција Анадолија (АА).

Според декретот, кој е објавен на веб-страницата на Кремљ, мерките се преземени со цел да се заштитат националните интереси на Русија поради „непријателските и нелегитимните дејствија“ на САД и другите земји и меѓународните организации кои им се придружија ним „насочени кон незаконско ограничување или лишување на Руската Федерација, нејзините граѓани и руски правни лица од правата на сопственост“.

Новите права им забрануваат на државните органи на сите нивоа, како и на организациите и физичките лица под јурисдикција на Русија да вршат трансакции, вклучително и склучување договори за надворешна трговија, со правни лица, физички лица и претпријатија под нивна контрола во однос на кој се применуваат посебните економски мерки.

Со декретот се забранува и исполнување на обврските кон лица под санкции и финансиски трансакции со нив.

Дополнително, се забранува извоз на суровини или производи произведени во Русија доколку нивните крајни корисници се санкционирани поединци.

На Владата ѝ се наложува во рок од 10 дена да подготви список од физички и правни лица кои спаѓаат под новите мерки.

Во исто време, Министерството за финансии и Централната банка на Руската Федерација имаат право на селективна примена на новиот декрет.

Најмалку 3.193 цивили загинаа и 3.353 други се повредени во Украина од почетокот на војната во Русија која започна на 24 февруари, според проценките на ОН. Се стравува дека вистинската бројка е многу поголема.

Повеќе од 5,5 милиони луѓе заминаа во други земји, а повеќе од 7,7 милиони се внатрешно раселени, според податоците на Агенцијата за бегалци на ОН.