Путин и Макрон зборуваа за ситуацијата во Белорусија

МОСКВА

Претседателот на Русија Владимир Путин и претседателот на Франција Емануел Макрон остварија телефонски разговор во кој зборуваа за ситуацијата во Белорусија, известува Агенција Анадолија (АА).

Во соопштението што го објави Кремљ се вели дека двајцата лидери разговарале за последните случувања во Белорусија по неодамнешните претседателски избори.

Путин нагласил дека е неприфатлив каков било обид за мешање од надвор во внатрешните работи на Белорусија, додавајќи дека се надева дека страните во таа земја што поскоро ќе најдат решение за проблемите со кои се соочуваат.

Путин и Макрон разговарале и за кризата во Либија.