МОСКВА (АА) - Русите протестираат поради планот на Владата да ја подигне старосната граница за пензионирање, што е еден од ретките предизвици со кои се соочува претседателот на Русија, Владимит Путин, јавува Anadolu Agency (AA).

Руската Дума денеска ќе гласа за Предлог-законот, според кој, старосната граница за стекнување право на државна пензија, за мажите би се подигнала од 60 на 65 години, додека кај жените поместувањето е од 55 на 63 години. Поместувањето на старосната граница би се вршело во фази во текот на наредните 15 години.

Активисти на комунистичката и партиите кои се залагаат за слободен пазар, пред гласањето во руската Дума, во Москва одржаа демонстрации. Вчера, за време на ненајавен митинг во Санкт Петербург, пријавени се неколку случаи на приведување демонстранти.

Владата тврди дека на Русија ѝ се неопходни реформи во пензискиот систем, за да се поттикне економскиот раст. Објавувањето на владините планови за време на отворањето на Светското фудбалско првенство во Русија наиде на бројни критики.

Во моментов, просечната пензија во Русија изнесува 14.000 рубљи (околу 190 евра).