Протест против ПКК/ПЈД на стотици Сиријци: ПЈД убијци на деца

БАБ (АА) - Стотици Сиријци се собраа во сирискиот град Баб во знак на протест против терористичката организација ПКК/ПЈД, јавува Anadolu Agency (AA).

Ова подрачје на Баб, кое му припаѓа на Алепо, се наоѓа под контрола на сириската опозиција.

Стотици Сиријци со знамињата на револуцијата в раце, се собраа во центарот на градот и ги осудија нападите на оваа организација во Мари и во Азаз.

Извикуваа слогани против ПКК/ПЈД и носеа транспаренти на кои пишуваше: „ПЈД убијци на деца“, „Предавници, ѓаволи ПЈД“.

Меѓу демонстрантите беше и Абуд Наиф кој кажа дека целта на протестите е да покажат дека се против ПЈД, кои ја предадоа револуцијата.

Поддршка на насобраните Сиријци им пружи и Хасан Хусеин, лидер на племето Семар, порачувајќи дека излегол на протестот за да покаже дека е против поделбата на Сирија.

Поради тоа, и како што рече, против ПЈД кои работат на тоа. Слободната сириска полиција презеде опсежни безбедносни мерки во текот на протестот.

Протести секој петок се одржуваат во Мари, Азаз, Џарабулус и во Баб.