ЛОНДОН (АА) – Демонстранти вчера се собраа пред седиштето на „Би-би-си“ во Лондон за да изразат поддршка за шестмина пропалестински активисти кои штрајкуваат со глад во Обединетото Кралство, јавува Анадолу.

Учесниците носеа транспаренти и упатија критики до медиумите дека премолчуваат.

Тие побараа од „Би-би-си“ да му посвети поголема јавна видливост на случајот и да ја пренесе загриженоста на активистите до пошироката публика.

Настанот беше организиран како дел од пошироката иницијатива за поддршка на активистите кои со штрајкот со глад бараат поголема свесност за состојбата на Палестинците и за политиките на британските власти што ги сметаат за неправедни.