АНКАРА (АА) - Вооружените судири меѓу бедуинските племенски борци и локалните вооружени групи Друзи продолжија денес во Сувејда, Сирија, дури и додека внатрешните безбедносни сили се распоредуваат низ покраината за да го спроведат договорот за прекин на огнот на национално ниво, известува Анадолу.

Според сириската државната новинска агенција САНА, безбедносните единици веќе го започнале своето распоредување во и околу Сувејда за да ги спроведат условите за прекин на огнот и да помогнат во стабилизирањето на ситуацијата.

Сепак, интензивните борби продолжуваат да се водат во делови на покраината, соопшти САНА.

Претходно денес, сириското претседателство објави сеопфатен и итен прекин на огнот по немирните деновите во јужната покраина.

На 13 јули избувнаа судири меѓу бедуинските арапски племиња и вооружените групи Друзи во Сувејда.

Насилството ескалираше и следеа израелски воздушни напади, вклучително и врз сириските воени позиции и инфраструктура во главниот град Дамаск.

Израел како изговор за своите напади на сириската територија ја наведе потребата од заштита на заедницата Друзи.

Со бегството на Башар ал-Асад во Русија во декември 2024 година, заврши граѓанската војна во Сирија и беше ставен крај на режимот на партијата Баас, која беше на власт од 1963 година.

Нова преодна администрација на Сирија предводена од претседателот Ахмад ал Шара беше формирана во јануари.