ИСТАНБУЛ (АА) – Притвореници избегаа од затвор во област контролирана од терористичката организација ПКК/ЈПГ кои дејствуваат под името СДФ во северниот сириски град Алепо, во услови на ескалација на тензиите од страна на групата во областа, објави новинската агенција САНА денес, јавува Анадолу.

Сириски безбедносен извор за САНА изјави дека притворениците избегале од затвор во областа Ал-Шакиф, која е под контрола на СДФ.

Тој не го прецизираше бројот на притвореници кои избегале од затворот.

Сириската цивилна одбрана соопшти дека евакуирала 850 цивили од Алепо до 12:30 часот по локално време, наведувајќи ги како причина влошувањето на хуманитарните услови и гранатирањето од страна на СДФ.