При уривање на дел од рудник во Иран загинаа две лица, тројца се повредени

ИСТАНБУЛ (АА) - Две лица загинаа, а тројца се повредени при уривање на дел од рудникот за јаглен во иранската покраина Кирман, пренесува Агенција Анадолија (АА).

Генералниот директор на Дирекцијата за труд и социјален просперитет, Хушјар Ахмеди, во изјава за иранската официјална новинска агенција ИРНА зборуваше за деталите во врска со несреќата.

„Двајца работници загинаа при уривање на дел од рудникот за јаглен што вчера се случи во подрачјето на Кубехан во покраината Кирман“, изјави Ахмеди.

Од друга страна, потпретседателот на Црвената полумесечина во Кирман, Мухамед Емирхани, синоќа истакна дека во уривањето на рудникот биле повредени 3 работници.