Претседателот на САД, Бајден, се состана со премиерите на Италија и Јапонија на Самитот на лидерите на Г7

ЊУЈОРК

Американскиот претседател, Џо Бајден, за време на својот престој на Велика Британија во рамките на Самитот на лидерите на Г7 имаше одделни средби со премиерот на Италија, Марио Драги, и со јапонскиот премиер, Јошихиде Суга, пренесува Агенција Анадолија (АА).

Белата куќа објави дека Бајден за време на неговиот состанок со италијанскиот премиер Драги ветил продлабочување на билатералните односи.

Двајцата лидери исто така се обврзале на поблиска меѓусебна соработка во борбата со епидемијата на новиот вид коронавирус (Ковид-19).

Изразувајќи благодарност кон Италија за нејзината поддршка за мирот и безбедноста на Авганистан, Бајден со италијанскиот премиер Драги постигнаа согласност заедно да работат и на други надворешнополитички прашања, како што се Кина, Русија и Либија.

- Поддршка од Бајден за одржување на Олимписките игри во Токио

На средбата со јапонскиот претседател Јошихиде Суга, Бајден зборувал за пандемијата на Ковид-19, климатските промени и за стабилноста во Северна Кореја, Кина и Тајванскиот Теснец.

Бајден исто така дал го поддржал одржувањето на Олимписките игри во Токио што ќе започнат на 23 јули, со преземање на потребните мерки за јавно здравје.

Некои кругови во Јапонија сакаат Олимписките игри во Токио да бидат откажани поради пандемијата на Ковид-19.