Ethem Emre Özcan,Muhammed Temim Hocaoğlu
02 Септември 2020•Ажурирај: 03 Септември 2020
АНКАРА (АА) - ЕТХЕМ ЕМРЕ ОЗЏАН / МУХАМЕД ТЕМИМ ХОЏАОГЛУ -
Претседателот на привремена сириската Влада, Абдурахман Мустафа, го осуди договорот постигнат во Москва меѓу терористичката организација ЈПГ/ПКК и таканаречените опозиционери, за кого се знае дека се блиски до режимот на Асад.
Во изјавата за Агенција Анадолија (АА), Мустафа оценувајќи го договорот рече дека тој не придонесува за политичко решавање на кризата.
Наведувајќи дека страните кои го склучиле договорот се нелегитимни, Мустафа рече дека Кадри Џемил, кој ја преставува Партијата на народната волја ја добил подршката на Русија и е поврзан со режимот на Асад.
Мустафа рече дека ЈПГ/ПКК, која е една од страните на договорот, користејќи го името СДГ (Сириски демократски сили) ја следи агендата на сите освен на сирискиот народ и дека се обидува да ја подели земјата.
„Овој договор е постигнат под спонзорство и медијација на Русија, која водеше војна против сирискиот народ со најновото оружје и изврши масакри“, рече претседателот на привремената Влада на Сирија.
Тој истакна дека тие го отфрлаат договорот.
Посочувајќи дека акцентот на „федерализмот“ во договорот се совпаѓа со целите на сепаратистичката терористичка организација, Мустафа рече дека ова треба да се смета како дел од планот на Русија за поделба на Сирија.
Тој подвлече дека Русија сака т.н. Сириски демократски сили (SDG), со кои раководи терористичката организација ЈПГ/ПКК, да ги промовира на политичката сцена, и дека овој договор нема валидност.
