Москва: Машко лице со нож нападна верници во црква и рани две лица

МОСКВА (AA) - Едно машко лице утрово со нож ги нападна верниците во црква во центарот на Москва и рани две лица, јавува Агенција Анадолија (АА).

Портпаролката на Министерството за внатрешни работи на Русија, Ирина Волк, изјави дека полицијата по потрагата уапси 26-годишен жител на Липецка Област.

Истакна и дека машко лице влегло во црквата и ранило две лица со нож. Жртвите се хоспитализирани и укажана им е лекарска помош.

Полицијата ги истражува причините и околностите на нападот кој се случи во црквата „Св. Никола“.