Претседателот на политичкото крило на Хамас Хенија за АА: „Сѐ уште го паметиме говорот на Ердоган во ОН“

ИСТАНБУЛ (АА) - Шефот на политичкото биро на Хамас, Исмаил Хеније, ја пофали поддршката на турскиот претседател Реџеп Таип Ердоган за Палестина, велејќи: „Изјавата на претседателот Ердоган во неговото обраќање до парламентарците од Партијата на правда и развој во која тој го окарактеризира Хамас како движење за национално ослободување и го спореди со турското движење Национална сила ( Kuvay-i Milliye ), за нас и за народот на Палестина, без сомнение, е достојно за пофалба“, известува Анадолу.

[ Во време кога Отоманската империја била окупирана од грчки, британски, француски, италијански и ерменски трупи и во земјата биле наметнати сурови услови по воведеното примирјето со Договор од Мудрос, Национална сила ( Kuvâ-yi Milliye ) е име на организацијата на отпорот која се раѓала во различни региони во деновите кога оружјето и било одземено на османлиската војска. ]

Хеније, во интервју за Агенција Анадолу (AA), по средбата со турскиот претседател Ердоган во Истанбул, рече „Хамас е движење на отпорот што се обидува да ја ослободи нашата земја, светите вредности и народот од историската окупација“.

Потсетувајќи дека Туркије, поради нејзината регионална позиција, има историски врски со Палестина, Хеније рече дека изјавите на Ердоган според кои тој го третира палестинското прашање како свое, ја одразуваат совеста на турскиот народ кон хуманитарниот аспект и угнетувањето на луѓето во Газа.

Лидерот на политичкото крило на Хамас ја истакна неопходноста од преземање напори за обединување за да се запрат нападите на ционистите поддржани од Соединетите Американски Држави (САД).

Хеније го пофали „интелектуалниот, историскиот и политичкиот став на турскиот народ и претседателот Ердоган за палестинската кауза“.

„Сѐ уште се сеќаваме како претседателот Ердоган ја држеше карта на Палестина за време на говорот во ОН и објасни како Палестина постепено била окупирана, како и на неговиот одговор на Шимон Перес“, рече Хеније и додаде:

„Внимателно ја следиме позицијата на Туркије во регионот, нејзината регионална и меѓународна политика и нејзиниот став кон палестинската кауза и Газа.“

Тој потсети и на хуманитарната флотила „Мави Мармара“ чија цел беше да се стави крај на окупацијата на Газа.

„Сѐ уште се сеќаваме како турскиот народ се жртвуваше со Мави Мармара за укинување на блокадата на Газа“, рече Хеније, додавајќи дека Туркие одржува конзистентен став за палестинската кауза и блокадата на Газа.

Тој се осврна и на средбата со Ердоган во Истанбул.

„За време на нашиот состанок со Ердоган разговаравме за одлуките донесени во врска со комерцијалните ограничувања на Израел и нивните ефекти врз комерцијалните активности“, рече Хеније и додаде:

„Ова е важен чекор против ционистичките непријатели кои ја пролеаја крвта на жените, децата и постарите Палестинци во нападите врз Газа, и се закануваат со копнени напади на Рафа и непочитување на муслиманските свети места, особено џамијата Ал Акса во Ерусалим (Кудс)“.