Претседателот на Иран, Ебрахим Раиси, погребан во храмот во неговиот роден град

МЕШАД (АА) - Иранскиот претседател Ебрахим Реиси, кој загина во хеликоптерска несреќа во неделата, беше погребан во храмот „Имам Реза“ во неговиот роден град Мешад, јавува Анадолу.

По комеморациите одржани во градовите Табриз, Ком, Техеран и Бирџенд, Раиси беше погребан вчера.

Плакати и црни знамиња кои симболизираат жалост беа закачени на улиците на Мешад, особено околу храмот каде што беше погребан.

На погребот присуствуваа високи претставници и министри на многу земји, како и ирански цивилни и воени претставници.

Раиси, осмиот претседател на Иран по Исламската револуција во 1979 година, служеше како чувар на храмот „Имам Реза“ неколку години пред да стане првиот човек на иранското правосудство во 2019 година, а потоа и претседател во 2021 година.

Хеликоптерот во кој се наоѓаа иранскиот претседател Раиси и министерот за надворешни работи Хусеин Амир-Абдолахијан, гувернерот на Источен Азербејџан, Малик Рехмати, и водачот на петочната молитва во Табриз, имамот ајатолахот Ал-Хашем, се урна во неделата на враќање од церемонијата за отворање брана на границата со Азербејџан. Подоцна беше потврдено дека во несреќата нема преживеани.