Поројни дождови во Индија, над 160 жртви

ЊУ ДЕЛХИ (АА) - Во поплавите и свлечиштата предизвикани од поројните дождови, кои од 8 август ја зафатија индиската сојузна држава Керала, животот го загубија 164 лица, пренесува Anadolu Agency (AA).

Поради поројните дождови, во Керала се излеваат реките и браните, оштетени се и улици, мостови и куќи, при што, од 8 август досега загинаа 164 лица.

Забрзани се активностите за евакуација откако денес запреа врнежите, а во овие активности се вклучени и хеликоптери.

Поради поројните дождови и поплави што ја зафатија земјата во сезоната на монсунските дождови, досега загинаа 800 лица.

Над 150.000 лица во регионот се сместени во камповите изградени во 1.200 места.