Поради змии, либерискиот претседател принуден да ја напушти својата канцеларија

МОНРОВИЈА (АА) - Претседателот на Либерија, Жорж Веа, поради две змии во зградата бил принуден да работи од дома, јавува Anadolu Agency (AA).

Смит Тоби, еден од портпаролите на Веа, соопшти дека од поранешниот фудбалер, претседателот на државата, е побарано да се оддалечи од зградата на Министерството за надворешни работи, каде што има канцеларија, поради две змии во зградата, и да не се враќа сè додека зградата не се исчисти од змиите.

Тоби рече дека е планирано либерискиот претседател Веа да се врати во својата канцеларија во понеделник по процесот на чистење на зградата.

Црните змии беа видени оваа недела како излегуваат од дупка на влезот во зградата.

Се вели дека во западноафриканската земја Либерија постојат многу отровни видови змии.

Во 1995 година, Жорж Веа беше избран за најдобар фудбалер од страна на Меѓународната фудбалска федерација (ФИФА). Во јануари 2018 година беше избран за претседател на Либерија.