Atila Altuntaş
10 Октомври 2022•Ажурирај: 11 Октомври 2022
СТОКХОЛМ (АА) - Поддржувачите на терористичката организација ЈПГ/ПКК вчера одржаа демонстрации во шведскиот главен град, барајќи од скандинавската земја да ги прекине разговорите со Туркије за нејзиното членство во НАТО, јавува Агенција Анадолија (АА).
Тие се собраа на плоштадот „Нора Банторгет“ во центарот на Стокхолм и побараа ослободување на водачот на терористите Абдула Оџалан.
Демонстрантите носеа знамиња кои ја симболизираат ЈПГ/ПКК и развиja постер на Оџалан.
Шведска и Финска официјално поднесоа барање за влез во НАТО во јуни, одлука поттикната од руската војна против Украина.
Туркијe изрази приговори за кандидатурите за членство, критикувајќи ги двете земји дека толерираат, па дури и ги поддржуваат терористичките организации.
Меморандумот за разбирање потпишан од Туркије, Финска и Шведска на самитот на НАТО во Мадрид, Шпанија, предвидува дека Финска и Шведска нема да обезбедуваат поддршка за ЈПГ/ПЈД, сирискиот огранок на ПКК, ниту за терористичката организација ФЕТО, која стои зад обидот за пуч во Туркије во 2016 година.
На прес-конференција по првиот Самит на Европската политичка заедница во Прага, Чешка, турскиот претседател Реџеп Таип Ердоган во четвртокот изјави дека ставот на Туркије за Шведска нема да биде позитивен сè додека маршевите на терористичките организации продолжат во Шведска и додека овие терористи се присутни во Парламентот.
