Петицијата против нормализација на односите со Израел во арапските земји ја потпишаа повеќе од милион луѓе

ДОХА

Петицијата која невладините организации во арапските земји ја покренаа во знак на протест поради нормализацијата на односите со Израел во само неколку часа ја потпишааа повеќе од милион луѓе, јавува Агенција Анадолија (АА).

Невладините организации, 31 на број, покренаа петиција наречена „Палестински договор“, во знак на протест поради потпишувањето на договорот за нормализација на односите на Израел со Обединетите Арапски Емирати (ОАЕ) и Бахреин.

Во соопштението на интернет-страницата на која е достапна петицијата се наведува дека во многу краток временски рок бројот на оние кои го потпишале „Палестинскиот договор“ надминал милион.

„Арапските народи покажаа дека одлучно се противат на секој вид однос со ционистичкиот режим“, се наведува во соопштението.

Кажано е и дека тоа што бројот на потписници надминал милион покажува колку арапските народи се совесни.

Договорите за нормализација на односите помеѓу Израел и ОАЕ, односно Израел и Бахреин, се потпишани во вторникот во Белата куќа.