Откажана посетата на рускиот министер за надворешни работи Лавров на Србија

САРАЕВО (АА) - Посетата на рускиот министер за надворешни работи Сергеј Лавров на Србија е откажана откако три земји, Црна Гора, Северна Македонија и Бугарија не дозволија да се користи нивниот воздушен простор, пренесува Агенција Анадолија (АА).

Српските медиуми соопштија дека посетата на Лавров на Србија е откажана бидејќи Црна Гора, Северна Македонија и Бугарија не дозволиле преминување на авионот на Лавров.

Наведено е дека српскиот претседател Александар Вучиќ денеска ќе се сретне со рускиот амбасадор во Белград, Александар Боцан Харченко во врска со одлуката на трите земји и во текот на денот ќе ѝ се обрати на нацијата.