ЖЕНЕВА
Обединетите нации (ОН) соопштија дека повеќе од 1 милион бегалци минале од Украина во соседните земји поради руско-украинската војна, пренесува Агенција Анадолија (АА).
Високиот комесаријат на ОН за бегалци (УНХЦР) сподели податоци за бегалската криза во Украина базирајќи се на различни извори.
Според тоа, меѓу 24 февруари и 2 март, над 1 милион бегалци преминале од Украина во соседните земји:
| Земја | Број на бегалци |
| Полска | 505.082 |
| Унгарија | 139.686 |
| Молдавија | 97.827 |
| Словачка | 72.200 |
| Романија | 51.261 |
| Русија | 47.800 |
| Белорусија | 357 |
| други земји | 88.147 |
Дополнително на овие бројки, УНХЦР соопшти дека 96.000 луѓе преминале во Русија од регионите Доњецк и Луганск во периодот 18 ‒ 23 февруари.
УНХЦР предупредува дека ако ситуацијата во Украина дополнително ескалира, земјата може да ја напуштат до 4 милиони цивили.
