ОН: „Израелската Армија отвори оган врз хуманитарен конвој во Појасот Газа“

ГАЗА (АА) - Израелските војници отворија оган врз конвој за хуманитарна помош што се враќал од северниот дел на блокираниот Појас Газа, изјави директорот на Агенцијата на Обединетите нации (ОН) за палестински бегалци (УНРВА), Томас Вајт, и додаде дека во нападот за среќа никој не бил повреден, јавува Анадолу.

Во пораката споделена на платформата на социјалните медиуми Х, Вајт истакна дека израелските војници отвориле оган врз конвој со хуманитарна помош што се враќал од северниот дел на Појасот Газа.

Станува збор за конвој кој бил нападнат додека бил на рута поставена од израелската Армија, а Вајт потврди дека во нападот нема повредени.

Наведувајќи дека едно возило во конвојот било оштетено во нападот, Вајт рече:

„Хуманитарните работници никогаш не би требало да бидат цел.“

Израелската Армија сѐ уште не го коментираше нападот.