Околу 3.000 нерегуларни мигранти пристигнаа во Италија во последните 3 дена

Околу 3.000 нерегуларни мигранти пристигнаа во Италија во последните 72 часа, соопштија медиумите, пренесува Анадолу.

Заклучно со петокот, бројот на оние кои стигнале до Италија во Медитеранот се искачи на 3.000 во три дена, според италијанската новинска агенција АНСА.

Во веста се вели дека бројката ги вклучува спасените од Крајбрежната стража или од бродовите на невладините организации.

Вкупно 41 брод со мигранти стигнаа до островот Лампедуза во четвртокот, што претставува рекорд за еден ден.

Италијанската крајбрежна стража спроведува операција за спасување на 1.300 мигранти во Средоземното Море, кои се обидуваат да стигнат до Италија.

Вкупно 17.592 нерегуларни мигранти пристигнале во Италија во 2023 година заклучно со 10 март, што е речиси трипати повеќе од бројот во истиот период минатата година, покажуваат податоците на Министерството за внатрешни работи на земјата.

Се истакнува дека речиси 104.000 нерегуларни мигранти пристигнале во 2022 година.