РАМАЛА 

Состанокот на палестинските групи, кој се очекуваше да се одржи во Каиро, главниот град на Египет, е одложен, јавува Агенција Анадолија (АА).

Мустафа ел Бергуси, генерален секретар на Иницијативата за палестинското национално движење, во изјавата за Агенција Анадолија рече дека официјално се информирани дека состанокот е одложен без да се каже некоја причина.

Наведувајќи дека ќе се одреди нов датум за состанокот, Бергуси нагласи дека делегациите на палестинските групи сѐ уште не заминале во Каиро.

Египет на 1 јуни ги покани палестинските групи во Каиро, со цел да се стави крај на поделбата и да се договорат за прашањата кои се однесуваат на националното единство.