Од почетокот на годината во Мексико убиени 10 новинари

МЕКСИКО (AA) - Мексиканскиот новинар Марио Гомез е убиен во вооружен напад пред неговиот дом во јужниот град Јахалон, пренесува Anadolu Agency (AA).

Мексиканскиот весник „Ел Хералдо де Чиапас“ (El Heraldo de Chiapas) објави дека неговиот 35-годишен новинар Гомез е убиен во вооружен напад што го извеле две непознати лица. Убиството на Гомез се случило пред неговата куќа, пред неговото поаѓање на работа во градот Јахалон, недалеку од границата со Гватемала.

Наведено е дека Гомез околу 10 години следел и пишувал за различни настани во овој регион. Гомез е десеттиот новинар во Мексико кој е убиен оваа година.

Мексиканскиот весник од официјалните институции побараа спроведување на детална истрага за убиството на нивниот новинар.