Од 7 октомври 27.947 Палестинци се убиени во израелските напади врз Појасот Газа

ГАЗА (АА) - Најмалку 27.947 Палестинци се убиени во блокираниот Појас Газа од почетокот на израелските напади, вклучително најмалку 107 убиени во изминатите 24 часа, јавува Анадолу.

Израел веќе 126 дена врши жестоки напади врз Појасот Газа каде што жителите се лишени од храна, вода и основни потреби.

Портпаролот на Министерството за здравство на Газа, Ешреф ал Кудра, изјави дека израелските сили извршиле масакри во изминатите 24 часа, при што загинале најмалку 107, а биле ранети 142 Палестинци.

На тој начин билансот од почетокот на израелските напади се зголеми на 27.947 убиени и 67.459 ранети.

Кудра потсети дека под урнатините и на улиците сѐ уште има тела на жртвите до кои надлежните служби не можат да стигнат поради постојаните израелски напади и блокада.