Обединетите Арапски Емирати отворија своја Амбасада во Израел

КУДС (АА) - Обединетите Арапски Емирати (ОАЕ) денеска ја отворија својата Амбасада во Израел во присуство на израелскиот претседател Исак Херцог, јавува Агенција Анадолија (АА).

Амбасадорот на ОАЕ во Израел, Мохамед ал Каја и израелскиот претседател ја пресекоа лентата на свеченото отворање на Амбасадата.

„Оваа Амбасада не само што ќе биде резиденција на дипломати, туку и основа за нашата мисија да градиме односи меѓу нас и да ги зајакнеме партнерството и дијалогот“, рече Ал Каја во говорот за време на церемонијата.

Израелскиот претседател Херцог изјави: „Да се види знамето на ОАЕ во Тел Авив беше далечен сон пред само една година, а сега изгледа нормално.“

„Невозможното го направивме можно“, додаде тој.

Херцог наглси дека отворањето на Амбасадата на ОАЕ е важен чекор за целиот Блиски Исток, не само за односите помеѓу Израел и Емиратите.

Минатиот месец, израелскиот министер за надворешни работи, Јаир Лапид, ги отвори Амбасадата и Конзулатот на Израел во ОАЕ.

Во септември 2020 година, ОАЕ и Израел потпишаа договор под покровителство на САД за нормализирање на меѓусебните односи. Оттогаш, двете земји потпишаа десетици билатерални договори во различни области, меѓу кои инвестицискиот сектор, банкарството и туризмот.