ОАЕ пратија 50 тони хуманитарна помош за Украина

ИСТАНБУЛ (АА) - Обединетите Арапски Емирати (ОАЕ) пратија 50 тони хуманитарна помош за Украина, јави официјалната новинска агенција на земјата ВАМ, пренесува Анадолу.

ОАЕ продолжуваат да праќаат помош во Украина за да се ублажат страдањата на украинскиот народ погоден од војната, објави агенцијата.

Хуманитарната помош, која се состои од 50 тони прехранбени материјали, беше пратена во Украина по воздушен пат, минувајќи низ Полска за да стигне до дестинацијата.

Се вели дека дипломатската мисија на ОАЕ во Полска ќе ја надгледува испораката на помошта за Украина.

Во веста се нагласува дека Абу Даби ќе продолжи со својата помош за Украина, истакнувајќи дека од избувнувањето на тековната руско-украинска војна, земјата му дава хуманитарна помош на Киев и воспостави мост за воздушна помош, покрај пакетот помош од 100 милиони долари за украинските цивили.

Русија започна, како што ја нарече, „специјална воена операција“ во Украина на 24 февруари 2022 година.