Новинарката Салим отпуштена од „Дојче веле“ поради нејзините критики за слободата на изразување во Европа

БОН (АА) – Марам Салим, палестинска новинарка која живее во Бон, Германија, отпуштена е од работа во германскиот јавен медиум „Дојче веле“ (DW) по нејзините критики на нејзиниот профил на социјалните мрежи дека нема слобода на изразување во Европа.

Во изјава за Агенција Анадолија (АА), Салим рече дека таа и четворица нејзини пријатели во статија објавена во германскиот медиум обвинети се дека се против Израел и дека се антисемитисти.

„Моите зборови дека Германија остава впечаток дека ја поддржува слободата на мислата, но дека слобода на изразување во Европа нема, беа доволни за да ме суспендираат и да ме обвинат дека сум антисемитист“, рече Салим.

Нагласувајќи дека нејзината објава на социјалните мрежи се однесува само на слободата на изразување во Европа, Салим рече: „Ја критикував слободата на изразување во Европа, но никогаш не ги спомнав Евреите или Израел во моите објави. Покрај тоа, бев суспендирана и подложена на внатрешна и надворешна истрага. На 7 февруари „Дојче веле“ ме извести мене и другите мои колеги дека сме отпуштени. До денеска не сум информирана зошто сум отпуштена“, рече новинарката.

Марам Салим, исто така, додаде:

„Јас не сум антисемит. Верувам во слободата на изразување, верувам во слободата на вероисповед. Прашања за тоа дали сум антисемит добивам од „Дојче веле“ или од други германски медиуми. Верувам дека секој новинар има право да го критикува Израел. Како новинари и луѓе, наше право е да ги критикуваме земјите кога гледаме неправилности. Се обидуваат да кажат дека е лесно да се критикува Израел во Германија, дека е слободно да се критикува Израел во Германија, но во практика, ситуацијата е поинаква. Навистина е многу тешко да се направи разлика помеѓу критикување на Израел и антисемитизам. Затоа што во одреден момент ќе бидете обвинети дека сте антисемитисти. Значи, кога станува збор за Израел, тука има многу црвени линии за кои навистина може да се зборува. Како човек кој најголемиот дел од својот живот го живеел на Западниот Брег, во Германија дури и да кажувам нормални работи за тоа што Израел го прави на Западниот Брег и Газа, може да се искористи против мене.“

Наведувајќи дека останала без работа како резултат на овој инцидент, Салим рече: „Мислам дека „Дојче веле“ треба да го преиспита тоа што им го направи на палестинските и арапските новинари кои го критикуваа Израел. Тие ја бранеа слободата на изразување, но не сѐ. Треба да го преиспитаат тоа што се случи. Верувам дека надворешната истрага против нас воопшто не е објективна. Пресудата за нас е донесена многу пред истрагата. „Дојче веле“ треба да ја преиспита Комисијата што ја формира за да ги истражи своите вработени.“

‒ Изјава од „Дојче веле“ -

Во вест во „Дојче веле“ објавена на оваа тема, се наведува дека е формирана комисија од која ќе ги истражи наводите за антисемитизам во Арапскиот сервис.

Како резултат на спроведеното истражување на Комисијата констатирано е дека биле откриени случаи на „злоупотреба на професијата“, но во институцијата немало структурен антисемитистички проблем.

Петер Лимбург, генералниот директор на „Дојче веле“, чии ставови се вклучени во веста, нагласи дека е подигната постапка за отпуштање на петтемина вработени, а се истражуваат уште осум сомнителни случаи.

Лимбург изјави дека при внатрешните истраги биле откриени три сомнителни случаи и дека и шефот на Арапскиот сервис сакал да ја напушти работата, барање кое било прифатено од институцијата.

„Дури и сомневањето за антисемитизам во германската институција финансирана од даноци мора да биде неподносливо за сите Евреи кои живеат во оваа земја и низ светот“, нагласи Лимбург.

Истакнувајќи дека „Дојче веле“ не може да толерира ниту антисемитизам ниту пак омраза кон Израел, Лимбург посочи дека правилата за однесување за ова прашање во институцијата ќе бидат поостри.