Несреќа во рудник за злато во Камерун: 10 загинати

ЈАУНДЕ

Најмалку 10 лица го загубија животот во несреќата што се случи во рудник за злато во Камерун, известува Агенција Анадолија (АА).

Грегоар Мвонго, претставник на локалната власт, изјави дека дошло до несреќа во рудникот за злато во регионот Камбеле во источниот дел на земјата, информирајќи дека во несреќата загинале најмалку 10 лица што илегално работеле во рудникот, а дека 6 лица биле повредени.

Фаталните несреќи се честа појава во рудниците што се наоѓаат во северните и источните региони на земјата.

Според податоците на камерунското Министерство за рударство, речиси 50 лица го загубиле животот во околу 20 рударски несреќи во последните две години.