Најмалку 61.827 Палестинци се убиени во нападите на Израел врз Газа, од кои 51 во последните 24 часа

ИСТАНБУЛ (АА) - Бројот на убиени Палењстинци во нападите на Израел врз Појасот Газа од 7 октомври 2023 година се зголеми на 61.827, од кои 51 во последните 24 часа, известува Анадолу.

Палестинското Министерство за здравство во Газа објави писмено соопштение информирајќи за најновите смртните случаи и повредени во тековните напади на Израел.

Во соопштението се наведува дека во болниците во Појасот Газа се донесени телата на 51 Палестинец и 369 повредени лица последните 24 часа.

Од 18 март, кога Израел го прекрши прекинот на огнот договорен на 19 јануари, од страна на израелската армија во Појасот Газа досега се убиени 10.300 Палестинци, а 43.234 се повредени.

Во Газа, бројот на убиени Палестинци во израелските систематски напади насочени врз цивилите на т.н. точки за дистрибуција на помош воспоставени од Фондацијата за хуманитарна помош за Газа, поддржана од Израел и САД, од 27 мај досега се зголеми на 1.898, а повредени се 14.113.

Најмалку 61.827 Палестинци се убиени во нападите на Израел врз Појасот Газа од 7 октомври 2023 година досега, а бројот на повредени лица достигна 155.275.

Министерството за здравство на Газа смета дека телата на илјадници убиени Палестинци сè уште се наоѓаат затрупани под урнатините во Појасот Газа.

- Уште едно дете почина од глад во Газа

Палестинското Министерство за здравство во Газа информираше дека уште едно дете починало од глад во Појасот Газа во последните 24 часа.

Во соопштението се наведува дека од 7 октомври 2023 година досега бројот на Палестинци починати поради глад и неисхранетост во Газа, каде Израел спроведува изгладнување затворајќи ги граничните премини и овозможувајќи влез на само ограничено количество хуманитарна помош, се зголеми на 240, од кои 107 се деца.