Најмалку 400 Палестинци се убиени последните 10 дена во израелските напади врз Појасот Газа, вкупно 40.405 од 7 октомври

ИСТАНБУЛ (АА) - Последните 10 дена се убиени 400 Палестинци во израелските напади врз Појасот Газа, а 1.067 се повредени, известува Анадолу.

Палестинското Министерство за здравство во Газа објави информации во врска со нападите на Израел врз Појасот Газа, кои траат веќе 324 дена.

Во соопштението се наведува дека во последните 24 часа во Појасот Газа во израелските напади убиени се 71 лице, а 112 лица се повредени.

Според податоците на Министерството на палестинската енклава, 400 Палестинци се убиени во израелските напади на Газа последните 10 дена, а 1.067 лица се повредени.

Од почетокот на израелските напади врз Појасот Газа на 7 октомври 2023 година досега, 40.405 Палестинци се убиени, а 93.468 се повредени.