Најмалку 11 загинати во судир на автобус и камион во Перу

БОГОТА (АА) - Најмалку 11 лица ги загубија животите вчера во судир на патнички автобус и камион во Перу, известува Анадолу.

Полицијата на провинцијата Паско објави дека уште најмалку 8 лица се повредени во несреќата што се случи во градот Уануко.

Во полициското соопштение се наведува дека камионот директно удрил во патничкиот автобус од спротивната насока и дека возачот на камионот е приведен во рамките на истрагата.