Над половина од Израелците наскоро очекуваат војна

ЕРУСАЛИМ (АА) - Според резултатите на последното испитување на јавното мислење, над половина од Израелците се уверени дека нивната земја наскоро ќе влезе во војна, пренесува Anadolu Agency (AA)

Израелскиот весник „Maariv“ ги објави резултатите од анкетата која ја спроведе компанијата „Panels Politics“ во која се наведува дека 52 отсто од Израелците веруваат дека нивната земја наскоро ќе влезе во нова војна.

Секој петти Израелец смета дека Израел е соочен со вистински и сериозни закани, а третина од Израелците сметаат дека најголема закана на Израел претставуваат Иран, Хамас и Хезболах.

Другата третина од Израелците сметаат дека најголема закана и проблем во Израел претставува економската криза и скапиот живот. Последната третина пак како најголем проблем во Израел ја гледа корупцијата во јавниот сектор на земјата.