Мост се урна во западна Индија, загинаа 9 лица

ЊУ ДЕЛХИ (АА) - Најмалку девет лица загинаа, а пет други се повредени откако возила паднаа во река по уривањето на дел од мост во западната индиска држава Гуџарат, соопштија властите, јавува Анадолу.

„Дел од мост во округот Вадодара на реката Махисагар се урна утринава, при што започна спасувачката операција“, изјави за новинарите Анил Дамелија, висок државен службеник.

Дамелија рече дека возилата паднале во реката и дека се пронајдени девет тела.

„Пет лица се повредени во инцидентот“, додаде тој.

Службеникот рече дека спасувачките операции се во тек и дека се преземаат напори да нема човечки загуби.

„Се обидуваме да ја завршиме операцијата што е можно поскоро“, рече тој.