Ekipa
28 Јануари 2018•Ажурирај: 29 Јануари 2018
МОСКВА (АА) - Рускиот опозициски лидер, Алексеј Навални, уапсен e денес во Москва откако се придружил на протестен собир во рускиот главен град, пренесува Anadolu Agency (AA).
Навални ги повика своите поддржувачи ширум земјата да продолжат со протестите и покрај неговото приведување.
„Ме приведоа. Тоа не значи ништо. Не излеговте поради мене, туку поради нашата иднина“, напиша Навални на Твитер.
Ширум Русија денес се одржуваат протести на кои присуствуваат неколку стотици илјади поддржувачи на опозицијата.
Навални повика на бојкот на претседателските избори закажани за 18 март, на кои актуелниот руски претседател, Владимир Путин ќе се бори за четвртиот мандат.
