Монсунските дождови причина за смртта на 1.697 лица во Пакистан

ИСЛАМАБАД

Според податоците на пакистанската Национална агенција за справување со катастрофи, во монсунските дождови во Пакистан, почнувајќи од 14 јуни, животот го загубија 631 дете, 340 жени, вкупно 1.697 лица, а повредени се 12.867 лица, јавува Агенција Анадолија (АА).

Поројните монсунски дождови оштетија повеќе од 2 милиони куќи, а угинаа над 1.163.000 грла стока.

Поплавите уништија патишта во должина од 13.097 километри и 440 моста, а од катастрофалните поплави предизвикани од монсунските дождови, во земјата се погодени 33,4 милиони луѓе.