Министерство за здравство на Газа: Бројот на загинати во израелските напади од 7 октомври се искачи на 21.507 лица

АНКАРА (АА) - Бројот на Палестинци загинати од тековните напади на израелската Армија врз Појасот Газа од 7 октомври се искачи на 21.507, додека бројот на повредени на 55.915, соопшти денес Министерството за здравство во блокираната енклава, јавува Анадолу.

Во соопштението на Министерството се наведува дека во изминатите 24 часа загинале уште 187 лица, а 312 се повредени.

Израел започна немилосрдни воздушни и копнени напади врз Појасот Газа по прекуграничниот напад на палестинската група Хамас на 7 октомври.

Властите тврдат дека во нападите на Хамас загинале околу 1.200 Израелци.

Израелскиот напад ја остави Газа во урнатини, при што 60 отсто од инфраструктурата на енклавата е оштетена или уништена, речиси 2 милиони жители се раселени, а постои и сериозен недостиг на храна, чиста вода и лекови.