Министерство за здравство во Газа: Медицинските тимови се борат со голем број ранети

ГАЗА (АА) - Медицинските тимови се борат со голем број ранети по завршувањето на хуманитарната пауза и продолжувањето на израелското бомбардирање врз Појасот Газа, објави денес палестинското Министерство за здравство во Газа, јавува Анадолу.

„Ранетите лежат на подовите на одделите за итни случаи и пред операционите сали поради големиот број повредени лица“, рече портпаролот на Министерството, Ашраф ал-Кудра.

Израел рано утрово ги продолжи своите воени операции во Појасот Газа по завршувањето на хуманитарната пауза, целејќи различни области во северниот, централниот и јужниот дел на Појасот, со десетици загинати и ранети, соопшти Министерството.

Според последното соопштение на Министерството, најмалку 32 Палестинци се загинати, а повеќемина се повредени откако Израел продолжи со нападите врз Газа неколку часа по завршувањето на хуманитарната пауза.

Паузата меѓу Израел и Хамас, што стапи на сила во петокот, 24 ноември, заврши утрово.