Nazlı Yüzbaşıoğlu,Mehmet Öztürk
28 Јули 2020•Ажурирај: 28 Јули 2020
АНКАРА
- Мехмет ОЗТУРК
Шпанската министерка за надворешни работи, Европската унија (ЕУ) и министерката за соработка, Аранча Гонзалез Лаја, при официјалната посета на Анкара, за АА зборуваше за односите меѓу двете земји и за регионалните прашања.
Истакнувајќи дека својата прва официјална посета на една земја надвор од Европската унија (ЕУ) во периодот на пандемија на новиот тип на коронавирус (Ковид-19) ја спроведува во Турција, министерката Лаја изјави:
„(За посетите по ограничувањата што Шпанија ги воведе поради Ковид-19) Сакав да започнам со Турција, бидејќи му имав дадено збор на министерот за надворешни работи (Мевлут) Чавушоглу. За време на пандемијата честопати контактиравме телефонски и зборуввме за медицинската помош, враќањето на граѓаните во сопствените земји и за регионалните случувања, како што се Источен Медитеран, Либија и Сирија. Му ветив дека ќе го посетам во Анкара и еве ме“.
Шпанската министерка за надворешни работи, Лаја, изјавувајќи дека е многу благодарна поради гостопримството со кое се соочува при секоја посета на Турција, истакна дека во разговорите со Чавушоглу кои биле фокусирани на развојот на билатералните односи, биле разгледувани економски и инвестициски прашања.
Лаја рече дека на средбата покрај билатералните и регионалните прашања, на дневен ред биле разгледани и односите меѓу Турција и ЕУ и додаде „Тоа е важно бидејќи (во односите) имаше периоди кога тензиите беа зголемени. Кога тензиите се зголемуваат, добро е да се обидете да отворите канали преку кои на мирен начин дијалогот би можел да продолжи, а доколку е можно и создавање на услови за меѓусебно разбирање, надминувајќи ги разликите меѓу државите. Тоа е дел од она што сакав да го направам тука. Би сакала да му се заблагодарам на министерот Чавушоглу што беше отворен и искрен со мене, како што сум и јас.“
- „Треба да ги продлабочиме контактите на нашите општества“
За врските меѓу двете земји Лаја рече „Многу подобро се запознавме меѓусебно. За тоа се потребни многу повеќе контакти. Тие контакти можат да бидат на полето на културата, спортот. Знам дека и Турција и Шпанија се земји кои многу го сакаат фудбалот“.
Лаја истакнувајќи дека овие контакти и дијалози треба да се воспостават меѓу тинк-тенковите на двете земји, новинарите, студентите и деловните луѓе рече: „Она што треба да го направиме е да ги продлабочиме контактите на нашите општества. Тоа го именуваме комуникација од човек до човек и тоа е единствена гаранција дека на крајот од денот подобро ќе се запознаеме. И да се појават потешкотии, полесно е да се надминат.“
- „Сојузниците се повеќе од пријатели“
Лаја отворено проценувајќи дека „Турција има привилегирани односи со ЕУ, но таа е НАТО сојузник кон кого Европа гледа со згриженост“, и истакна „Турција не е само партнер, Турција е НАТО сојузник. Ние не сме само пријатели. Во НАТО немате пријатели, имате сојузници, а тоа е повеќе од пријател.“
Укажувајќи дека сојузниците се доволно блиски за да споделат важни теми, како што е сопствената безбедност, Лаја продолжи со зборовите „Шпанија и Турција токму тоа го споделуваат. Ги споделуваме ракетните батерии. И помагаме на оваа земја да ја заштити својата безбедност од трети земји. Тоа е показател за нивото на врска меѓу Шпанија и Турција, и двете земји членки на НАТО.“
Соопшувајќи дека на средбата со министерот Чавушоглу зборувале за Источен Медитеран, Либија, миграциите, Лаја рече дека со Турција ги споделуваат истите цели и потешкотии, но Турција по овие прашања направила некои чекори кои кај Европа предизвикала одредена загриженоста, која и била пренесени и нејзе. Лаја продолжи со зборовите:
„Сигурна сум дека и Турција има одредена чувствителност во врска со одредени чекори што ги презеде Европа. Затоа, ова не е ‘игра на обвинување’, туку ‘Разбирање на играта од гледната точка на другата страна’. Но кога ја разбирате, кога ќе ја слушнете другата страна, вртејќи се напред, можете да пронајдете правец. Тоа беше една од причините што дојдов во Анкара да се сретнам со турските власти.“
