Лисабон – „градот на истражувачите и морепловците“, една од највпечатливите европски дестинации

СКОПЈЕ (АА) – Главниот град на Португалија, Лисабон, со својата историја, култура и уникатна архитектура, продолжува да маѓепсува илјадници посетители кои секојдневно го посетуваат овој град, јавува Анадолу.

Изграден на седум ридови и познат како „град на истражувачите и морепловците“, Лисабон важи за една од највпечатливите европски дестинации.

Старите трамваи кои се движат низ тесните калдрмисани улички, старите згради со препознатлива архитектура и мултикултурната атмосфера се само дел од обележјата кои го прават овој град посебен.

Еден од најпознатите симболи на Лисабон е мостот „25 Април“, кој ги поврзува двата брега на реката Тахо и ја симболизира врската на градот со морето.

Со својата културна разновидност и богата гастрономија, Лисабон останува едно од најпосетуваните и најфотогенични места во Европа.