Лидерот на Хамас Ханије: „Она што се случи во Ерусалим и Акса е непростливо“

ГАЗА (АА) - Исмаил Ханије, шефот на Политичкото биро на Хамас, истакна дека она што се случи во окупираниот Источен Кудс (Источен Ерусалим) е непростливо, пренесува Агенција Анадолија (АА).

Официјалната веб-страница на Хамас ги објави изјавите на Тахир ан-Нуну, советникот на Ханије за медиуми дадени на оваа тема.

Нуну наведувајќи дека некои страни стапиле во контакт со лидерот на Движењето за да не ескалираат настаните, рече дека Ханије го рекол следното: „Не може да се прости она што се случи во Кудс и Месџид-и ал Акса. Отпорот ќе продолжи по својот пат сѐ додека не биде отстранета окупацијата од нашата земја и од Кудс“.

Истакнувајќи дека Ханије одбил да им даде каков било збор или гаранција на страните што го контактирале во врска со можните случувања на окупираните палестински територии, Нуну рече дека лидерот на Хамас нагласил: „Она што се случи, значи напад врз секој слободен муслиман во светот“.

- Провокативен „марш на знамето“

Во источен Кудс (Ерусалим) вчера се одржа провокативниот „марш на знамето“ на екстремно десничарските фанатични еврејски доселеници, во знак на сеќавање на израелската окупација на Источен Кудс (Источен Ерусалим) во 1967 година.

Илјадници екстремно десничарските фанатични еврејски доселеници се собраа на симболичната порта Дамаск на Стариот град, држејќи израелски знамиња и транспаренти на екстремистичките групи.

Некои од доселеничките групи го извикуваа слоганот „Смрт за Арапите“. Забележано е дека израелската полиција не интервенираше врз еврејските доселеници.

Од друга страна, израелската полиција ги спречи Палестинците да влезат во областа со многуте барикади што ги поставија околу Стариот град во источен Ерусалим.

Израелската полиција, која ги нападна оние кои се обидоа да прошетаат со палестинското знаме на улицата Салахадин во близина на Стариот град во источен Кудс, насобраните Палестинци се обиде да ги растера интервенирајќи со солзавец, гумени куршуми и звучни бомби.